उच्च मूल्य कृषिवस्तु उत्थानशील कार्यक्रम (R-HVAP) नेपाल सरकारको कृषि तथा पशुपन्छी विकास मन्त्रालय (MoALD) द्वारा कृषि विकासका लागि अन्तर्राष्ट्रिय कोष (IFAD) सँगको साझेदारीमा सञ्चालित एक प्रमुख तथा बृहत् आयोजना हो।

यो आर्थिक वर्ष २०८१/८२ देखि २०८९/९० (सन् २०२४-२०३१) सम्म सञ्चालन हुने गरी ८ वर्षे अवधिको लागि तर्जुमा गरिएको छ। यस कार्यक्रमले विगतका ग्रामीण विकास आयोजनाहरूका जगमा टेक्दै परम्परागत खेती प्रणालीलाई उच्च नाफामूलक, बजारमुखी र आत्मनिर्भर पर्यावरणीय कृषि (Agro-ecological) खाद्य प्रणालीमा रूपान्तरण गर्ने मुख्य उद्देश्य राखेको छ।

R-HVAP ले महिला र युवाहरूको सहभागिता सुनिश्चित गर्दै गरिब साना किसान, उत्पादक संस्थाहरू (POs) र लघु, घरेलु तथा साना उद्योगहरू (MSMEs) लाई समेट्न तहगत (Stratified) दृष्टिकोण अवलम्बन गरेको छ। यो आधारशिला निर्माण गर्ने एक विशेष पहल हो, जसले घरेलु तथा निर्यात बजारका लागि विभिन्न कृषि उपजहरू उत्पादन गर्न र आत्मनिर्भर पर्यावरण-अनुकूल खेती प्रणालीतर्फको रूपान्तरण सुरु गर्न आवश्यक क्षमता, सेवा प्रवाह, पूर्वाधार, र अनुकूल नीतिगत तथा नियमनकारी ढाँचाहरूको स्थापना गर्दछ। यो कार्यक्रम पश्चिम नेपालका तीनवटा प्रदेशहरू: लुम्बिनी, कर्णाली र सुदूरपश्चिमका ८० वटा स्थानीय तह (पालिका) मा सञ्चालित छ।